Logo_Dahabshiil_cusub New-Village Latest-Nationlink1 (1) TawakalExpress
| | 1,457 views

FADEEXAD CUSUB: Xiriirka K/Koleyga Soomaaliya oo is hortaag ku sameeyay Gabdho ka qeyb geli lahaa tartan caalami ah

Xiriirka Kubadda Cagta Soomaaliya ayaa hareysay fadeexad cusub, kaddib markii uu is hortaag ku sameeyay gabdho dalka dibadiisa uga qeyb geli lahaa tartan Isboorti, taasi oo keentay in xubnaha xiriirkaasi uu soo dhex galo khilaaf arrintaasi la xariira.

Hana Xasan Mire, Nasro Maxamed Maxamuud iyo Ilhaan Qaasim Cabdi ayaa magaalada Muqdisho waxay maanta kulan qado ahaa ugu sameeyeen Wasiir K/Xigeenka wasaaradda Isboortiga iyo dhallinyarada, Saciid Qoorsheel oo ka mid ah bahda Isboortiga iyo Ibraahim Xuseen Roombe oo ahaa Guddoomiyihii hore ee Xiriirka K/Cagta Soomaaliya.

Kulankaan ayaa looga hadlay tallaabada uu ku dhaqaaqay Xiriirka K/Cagta Soomaaliya, iyadoo gabadha lagu magacaabo Hana Xasan Mire oo iyadu qabanqaabada tartankaasi lahayd ay uga dacwootay Wasiir K/Xigeenka iyo Guddoomiyihii hore arrinta uu ku kacayo Guddoonka Xiriirka K/Cagta oo ay sheegtay inay tahay mid lagu niyad jebinayo haweenka isboortiga.

“Anigoo uga mahad celinaya Hana Xasan Mire dadaalkeeda ku aadan ka qeyb qaadashada horumarinta gabdhaha Isboortiga, waxaan tallaabo cad ka qaadayaa Xiriirka K/Cagta” ayuu yiri Wasiir K/Xigeenka Dhallinyarada iyo Isboortiga Dowladda Federaalka Md. Cusmaan Aadan Dhuubow.

Dhinaca kale waxaa kulankaan ka hadlay Ibraahim Xuseen Roombe iyo Saciid Qoorsheel oo sheegay inay tahay wax laga xumaado hor istaagga uu sameeyay Xiriirka K/Cagta Soomaaliya, taasi oo ay sheegeen inay tahay mid dhabarjab ku ah gabdhaha Isboortiga dalka ka tirsan.

Fadeexaddaan cusub ee soo wajahday xiriirka Kubadda Cagta soo wajahday ayaan la ogeyn sababta keentay, isagoo weli wax war ah ka soo saarin eedeymahaan loo jeedinayo.

1 2 3 4 5 6 7 8 9 10 11

Short URL: http://somaliwayn.org/?p=18680

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj