Logo_Dahabshiil_cusub New-Village Latest-Nationlink1 (1) TawakalExpress
| | 2,038 views

XOG CUSUB: Xil.Goodax oo bannaanka soo dhigay arrimo qarsoonaa, kana hadlay khilaafka Baarlamaanka iyo madaxtooyada

Xildhibaan C/llaahi Goodax Barre oo ka mid ah mudanayaasha ugu cadcad Golaha Baarlamaanka Federaalka Soomaaliya ayaa waxa uu ka jawaabay xeerka Madaxweynaha uu ku ansixiyay heshiiskii laga gaaray doorashooyinka dalka ka dhacaya.

Xildhibaan Goodax ayaa sheegay in tallaabada Madaxweynaha ay tahay mid uu si toos ah ugu faragelinayo Baarlamaanka iyo waliba shuruucda lagu gaarayo doorashooyinka madaxda sare ee Dowladda iyo maamul goboleedyada ay raadinayaan sidii ay xilal uga heli lahaayeen xukuumadda cusub.

“Baarlamaanka wuxuu soo jeediyay aqalka sare inaan hadda loo baahneyn, madaxweynaha go’aan uusan xaq u lahayn ayuu saxiixay” ayuu yiri Xildhibaan C/llaahi Goodax oo u waramayay idaacadda VOA-da.

Xildhibaanka ayaa sheegay in kulamada Baarlamaanka arrintaan looga hadlaayo, wuxuuna ku eedeeyay Madaxweynaha inuu adeegsanayo askar dhowr bil aan mushaar qaadan si ay dalka uga dhaqan go’aanno aan sharci ahayn.

“Ma jirto Baarlamaanka inay ku kala qeybsan yihiin heshiiskaan, balse waa jirtaa inuu horay u soo jeediyay aqalka sare inaan loo baahneyn” ayuu yiri Xildhibaanka oo sheegay in muddo toddobo maalin ah ay ka harsan tahay fadhiyada Baarlamaanka.

Hadalka Xildhibaan Goodax ayaa ku soo beegmaya mar sii horeysay Madaxweyne Xasan Sheekh uu si cad u sheegay in markii uu arkay kala qeybsanaanta Baarlamaanka ee ku saabsan ansixinta heshiiskaan go’aansaday inuu isagu meel mariyo.

Isku dhaca siyaasadeed ee soo kala dhex galay Baarlamaanka iyo madaxtooyada Villa Somalia ayaa ku soo beegmaya xilli ay jiraan dhaliilo fara badan oo loo jeedinayo inaysan waxba qaban mudadii afartii sano ahayd ee ay dalka maamuleysay.

Short URL: http://somaliwayn.org/?p=32869

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj