Logo_Dahabshiil_cusub New-Village Latest-Nationlink1 (1) TawakalExpress
| | 509 views

Maleeshiyo beeleedyada ku dagaalamaya gobolka Hiiraan oo loo diray digniin culus + Video

Waxaa saakay xaaladda goobihii lagu dagaalamay kaddib markii halkaasi gaareen ciidamada maamulka gobolka Hiiraan oo ay la socdaan ciidamada AMISOM gaar ahaan kuwooda ka socda dalka Jabuuti ee Hiil Walaal.

Guddoomiyaha gobolka Hiiraan Cali Jeyte Cusmaan oo khudbad ka jeedinayay goobta lagu kala qaaday maleeshiyooyinka beelaha Jejeelle iyo Gaaljecel ayaa sheegay in halka labada dhinac ku dagaalamayaan ay tahay meel buuraley ah oo aan lahayn daaqsin iyo naq roobaad midna, isagoona sheegay inuu isagu tuhun yahay dagaalka inay qeyb ka yihiin gacmo kale oo uusan carabaabin.

“Labada beel ee ku dagaalamay Hiiraan cidii jebisa awaamiirta tallaabo wada jir ah ayaan ka qaadeynaa” ayuu yiri Cali Jeyte Cusmaan oo sheegay in labada maleeshiyo beeleed ay kala geeyeen degaanadooda isla markaana waxaa dhaqan galay durba xabbad joojin la kala dhex dhigay.

WARAR KALE: Magaalada Baladweyne

Tallaabadaan waa markii ugu horeysay oo uu ku guuleysto maamulka cusub ee Guddoomiyaha gobolka Hiiraan Cali Jeyte Cusmaan tan iyo markii xilkaasi laga qaaday Guddoomiyihii hore Yuusuf Axmed Hagar (Dabageed).

Hadalka Guddoomiyaha gobolka Hiiraan ayaa laga muujiyay shaki badan, bacdamaa dalka uu ku jiro xaalad kala guur siyaasadeed ah, isagoona carrabka ku dhuftay inay jiraan gacmo saddexaad oo hurinaya colaada beelaha wada degan gobolka, taasi oo uu horay uga digay Ugaas Xasan Ugaas Khaliif xilli uu la dardaarmayay shacabka reer Hiiraan.

Short URL: http://somaliwayn.org/?p=48488

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj