Logo_Dahabshiil_cusub New-Village Latest-Nationlink1 (1) TawakalExpress
| | 652 views

Cumar Dhegey: “Waxaa dhaceysa in la kansalo Xildhibaano aan qaab shari ah ku imaan”

Abuukaate Cumar Maxamed Cabdulle (Cumar Dhegey) Guddoomiyaha guddiga doorashada dadban ee heer Federaal ayaa markii ugu horeysay ka hadlay hannaanka doorashooyinka ka socda dalka oo maraya heer gabagabo ah.

Shir jaraa’id oo uu ku qabtay Hotelka Jazeera ee magaalada Muqdisho ayaa waxa uu ka hadlay arrimo fara badan oo ku saabsan dib u dhaca ku yimid doorashada Madaxweynaha oo ay horay u qorsheeyeen inay dhacdo 30-ka bishaan kuna beegan maalinta arbacada ah ee berrito.

Guddoomiyaha Doorashooyinka ayaa waxa uu sheegay inay caqabado fara badan oo ku hor gudban dhameystirka xildhibaanada Baarlamaanka cusub oo ka kooban aqalka sare iyo kan hoose, isagoona sheegay in duruufo jira awgood horay dib ugu dhacday xilliga 25-ka bishaan in lagu soo dhameystiro xubnaha Baarlamaanka cusub.

“Waxaa dhaceysa in la kansalo Xildhibaano aan qaab sharci ah ku imaan, waayo waxaa jirta shuruuc iyo heshiiska hoggaamiyeyaasha madasha oo ay tahay in la fuliyo” ayuu yiri Avv. Cumar Dhegey oo sheegay in arrintaasi ay maanta kulamo kala yeelanayaan guddiga xalinta khilaafaadka isla markaana go’aan rasmi ah ay ka gaarayaan arrintaasi.

Mar uu ka hadlayay Xildhibaanada labada aqal ee ka imaanaya Somaliland iyo Mudanayaasha Muqdisho labadaba dhowaan la qabanayo, isagoona sheegay in xildhibaanada haatan u diiwaan gashan ay yihiin 178-xubnood taasi oo sida uu sheegay inay lahayn dastuuriyan awood ay ku doortaan Madaxweyne.

Md. Cumar Dhegey ayaa sheegay in maamulka Puntland dhowaan bilaabayo doorashada aqalka hoose oo dhowaan uu hakiyay, taasi oo uu sheegay inay ahayd arrimo siyaasadeed, balse labada dhinac ay isku afgarteen in la dhameystiro xubnaha haray.

“Anaga ka guddi ahaan ma dhaheyno 15-ka bishaan Madaxweyne ayaa la dooranayaa, arrintaasi waxaa sheegi doona Baarlamaanka cusub marka uu doorto guddoonkiisa” ayuu yiri Cumar Dhegey oo weriyeyaasha uga jawaabayay su’aalooyin dhowr ah uga jawaabayay.

WARAR KU SAABSAN: Doorashooyinka Soomaaliya

Guddoomiyaha guddiga doorashooyinka dadban ayaa ugu baaqay Xildhibaanada Baarlamaanka cusub ee isugu yimaadaan 30-ka bishaan goobta ay doorashada ka dhaceyso, isagoona sheegay in la siinayo kaararka aqoonsiga inuu Mudane Baarlamaan yahay.

“Qofkii aan heysan Shahaadada Xildhibaanimo kama mid ahan Mudanayaasha Baarlamaanka cusub” ayuu yiri Avv. Cumar Dhegey oo sheegay in tallaabadani ay qeyb ka tahay diyaar garoga loogu jiro doorashada Madaxweynaha cusub ee ay iyagu dooranayaan sanadkaan.

DHAGEYSO: Codka Guddoomiye Cumar Dhegey

Jabriil Max’ud Nuur (Jabra)
E-mail: jabra@somaliweyn.com
Muqdisho – Soomaaliya

Short URL: http://somaliwayn.org/?p=48618

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj