Logo_Dahabshiil_cusub New-Village Latest-Nationlink1 (1) TawakalExpress
| | 917 views

Daawo Ra’iisal Wasaare K/Xigeenka Sweden oo markii ugu horeysay Muqdisho soo gaaray

Ra’iisal Wasaare Ku xigeenka Dowladda Sweden ayaa markii ugu horeysay ka degtay magaalada Muqdisho, iyadoo ka qeyb gashay munaasabad maamulka gobolka Banaadir soo agaasimay laguna dhiiri gelinayay dhallinyarada.

Haweeneyda lagu magacaabo Isabella Lovin oo ah ku xigeenka Ra’iisal Wasaaraha Dowladda Sweden ayaa halkaasi ka jeedisay khudbad ay si toos ah kula hadleyso dhallinyaro rag iyo dumar isugu jiray iyadoo ka hadashay ahmiyadda ay leedahay inay dhallinyarada ka qaataan nabadda , horumarka dalka iyo doorashooyinka dalka ka dhacaya.

Kulanka waxaa kale oo goob joog ahaa Diblomaasiyiin iyo qaar ka mid ah safiirada fadhigoodu yahay xerada Xalane ee ka socda dalalka caalamka iyo saraakiil ka socotay hay’adaha caalamiga ah.

Guddoomiye K/Xigeenka dhallinyarada Gobolka Banaadir C/Kaafi Maxamuud Makaraan oo halkaasi khudbad ka jeediyay ayaa sheegay in dhallinyarada ay yihiin kuwo ka soo dhalaali kara howlaha horyaala, isagoona sheegay in xarunta cusub ee dhallinyarada ay muhiim u tahay.

Short URL: http://somaliwayn.org/?p=48834

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj