Logo_Dahabshiil_cusub New-Village Latest-Nationlink1 (1) TawakalExpress
| | 424 views

DEGDEG: Ciidamada Puntland oo qabsaday magaalada Qandala

Kaddib muddo toddobaad ka badan oo magaalada Qandala ay gacanta ku hayeen maleeshiyo taabacsan kooxda Daacish waxaa maanta si buuxda ula wareegay ciidamada maamulka Puntland.

Wararka ayaa sheegaya in ciidamada sida gaarka ah u tababaran ay ku qabsadeen si nabad ah, waxayna saraakiisha hoggaamineysa weerarka ka dhanka ah maleeshiyada kooxda la baxday khilaafada Islaamka.

Magaala xeebeedka Qandala ee gobolka Bari waxaa ka socday dagaal socday muddo laba maalin ah oo u dhaxeeyay ciidamada Puntland oo taageero ka helaya Midowga Yurub , iyadoo saldhigyo ay halkaasi ku lahaayeen maleeshiyada uu hoggaamiyo Sheekh C/qaadir Muumin lagu garaacay gantaalo laga soo riday dhinaca Badda.

Ilaa iyo iminka maamulka Puntland wax war ah kama soo saarin qabsashada magaalada Qandala, inkasta oo taliyaha ciidamada Badda maamulkaasi Admiral C/risaaq Diiriye Faarax uu sheegay inay socdaan hoggallo baaritaano ah.

Waxa uu sheegay inay magaalada ku arkeen laba gaadiid ah oo ay halkaasi uga tageen kooxda taabacsan IS, waxaana magaalada inteeda badan horay uga barakacay dadkii degenaa.

Short URL: http://somaliwayn.org/?p=49184

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj