Logo_Dahabshiil_cusub New-Village Latest-Nationlink1 (1) TawakalExpress
| | 662 views

DEGDEG: Shirkadda Favori oo shaqo joojin ka sameysay Garoonka diyaaradaha Aadan Cadde (Waa maxay sababta?)

Garoonka diyaaradaha caalamiga ah ee Aadan Cadde International Airport magaalada Muqdisho ayaa hakad ku jirta, kaddib markii ay isku dhaceen shirkadaha ka howlgala iyo maamulka.

Wararka ayaa sheegaya in gadoodka Shirkadda gacanta ku heysa howlaha duulimaadyada ay lacago ku soo rogtay dhoofayaasha garoonkaasi, iyadoo la sheegayaa in shirkadaha duulimaadyada ka shaqeeya ay arrintaasi ka biyo diideen.

Kulan dhex maray maamulka shirkadda Favori ee Turkiga laga leeyahay iyo madax ka tirsan Dowladda iyo shirkadaha duulimaadyada ayaa la sheegayaa inay isku afgarteen duulimaadyada maanta la fasaxo, kaddibna laga wadahadlo sidii loo maareyn lahaa canshuur kordhintaan cusub.

Ma aha markii ugu horeysay oo shirkadaha ka howlgala gudaha dalka ay soo rogaan canshuur aanay xamili karin, iyadoo dhowaan magaalada Muqdisho hal maalin shaqo joojin ah sameeyeen gaadiidka dadweynaha oo lagu soo rogay canshuur loogu magac daray ceymiska gaadiidka ee shirkadda Takaful.

Short URL: http://somaliwayn.org/?p=49199

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj