Logo_Dahabshiil_cusub New-Village Latest-Nationlink1 (1) TawakalExpress
| | 396 views

Madaxweyne Cosoble: “Xildhibaan aan soo dooranay in la yiraahdo ma jiro cid aan ka aqbaleyno” (Dhageyso)

Cali C/laahi Cosoble madaxweynaha Maamulka Hirshabeele ayaa ka jawaab celinayay warqad ka soo baxday Guddiga Xalinta Khilaafaadka ee 11-ka mid ah xildhibaanada laga soo doortay Degaan Doorashooyinka Dalka ka jira oo ay ku jiraan laba xildhibaan oo maamulkiisa ka tirsan.

Madaxweynaha ayaa sheegay in aysan cidna ka dhageysaneyn xildhibaanadii lagu soo doortay Magaalada Jowhar oo Labo ka mid ah ay ku jireen 11-kii ay laaleen Guddiga Xalinta Khilaafaadka, wuxuuna si kulul uga hadlay arrinta magaalada Muqdisho.

“Xildhibaan aan soo dooranay in la yiraahdo ma jiro cid aan ka aqbaleyno” ayuu yiri Cali C/llaahi Cosoble oo khudbad ka jeedinayay munaasabad uu shahaadooyin ku guddoonsiinayay Xildhibaanada maamulkiisa matalaya xilli uu ku sugnaa magaalada Muqdisho.

Madaxweyne Cosoble ayaa dhinaca kale sheegay in arrinta Muqdisho ay wax ku leedahay cid kasta oo xaqeeda u dooda, isagoona ku goodiyay inaan marnaba la dafiri karin xaqa reer Muqdisho ay ku leeyihiin doorashooyinka dalka.

Hadalka Madaxweynaha maamul goboleedka Hirshabelle ayaa ku soo beegmaya xilli khilaaf cusub soo kala dhex galay guddiga doorashooyinka iyo madaxda maamul goboleedyada dalka, kaddib markii la kansalay qaar ka mid ah xildhibaanada labada aqal ee lagu doortay gobolada dalka.

 

Short URL: http://somaliwayn.org/?p=49617

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj