Logo_Dahabshiil_cusub New-Village Latest-Nationlink1 (1) TawakalExpress
| | 535 views

Majaajiliiste Boon Xersi oo Magaalada Hargaysa ku geeriyooday.

Wararka aan helayno ayaa sheegaya in Allaha u naxariistee Xalay Gurigiisa oo ku yaalla Xaafadda Axmed Dhagax ee Magaalada Hargeysa uu ku geeriyooday Mujaajilliistihii weynaa ee Hoballada Waaberi Xuseen Xersi Cadib oo loo yaqaan (Boon Xersi).

Geerida marxuumka waxaa saxaafada u xaqiijiyay Ehelada marxuumka inuusan jirin wax xanuun ah oo uu la jiifay Fannaanku, balse ay ku timid qaddarta Eebbe.

Mujaajilliiste Boon Xirsi ayaa waxaa geeridiisa ka tacsiyeynaya dhammaan masuuliyiinta iyo Shaqaalaha Wasaaradda warfaafinta dhaqanka iyo dalxiiska Soomaaliya, iyagoo Alle uga baryay inuu Jannadii Fardowsa ka waraabiyo Marxuumka.

Boon Xersi Bowdo gaab, ayaa sidoo kale ahaa Abwaan wax sameeya Riwaayado ay ka mid tahay Ninba Tima Xamar oo haddana xiir, sidoo kale waxaa lagu xusuustaa Abwaanka Riwaayado door ah oo uu kaalin Libaax ku lahaa Jilistooda iyo soo jiidashada daawadayaasha.

Dhanka kale Boon Xirsi wuxuu Fanka ku soo biiray Sannadkii 1974-kii, waxaana Riwaayaddii ugu horreysay ee uu ka qayb qaatay la oran jiray Jacayl waa kane ku aaway, oo uu lahaa Abwaan Axmed Saleebaan Bidde, wuxuuna Riwaayadaas ku matalayey Dhakhtar (Dictor).

Allaha u Naxariisto Mujaajilliiste Boon Xersi, Innaa Lillaah wa inaa Ileyhi raajicuun

Short URL: http://somaliwayn.org/?p=49746

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj