Logo_Dahabshiil_cusub New-Village Latest-Nationlink1 (1) TawakalExpress
| | 350 views

Madaxweynaha Soomaaliya oo waraaqaha ka guddoomay Safiirka Yemen

Madaxweynaha Dowladda Soomaaliya, Mudane Xasan Sheekh Maxamuud, ayaa waraaqaaha aqoonsiga ka guddoomay safiirka cusub ee dalka Yemen u fadhin doono Soomaaliya.

Madaxweynaha Jamhuuriyadda Soomaaliya, Mudane Xasan Sheekh Maxamuud, ayaa markii uu waraaqaha aqoonsiga ka guddoomay safiirka cusub ee dalka Yemen u fadhin doona Soomaaliya, waxa ay iska wareysteen xiriirka labada dal, iyadoo safiirka uu madaxweynaha warbixin ka siiyey xaaladda dalka Yemen oo muddooyinkii dambe ay dagaallo ka socdeen iyo dadka reer Yemen ee u soo cararay gudaha dalka Soomaaliya.

Wasiir ku xigeenka Arrimaha Dibedda Soomaaliya, Mudane Axmed Cali Kadiye, ayaa sheegay in kulanka sidoo kale diiradda lagu saaray inta uu socdey sidii loo sii xoojin lahaa xiriirka Soomaaliya iyo Yemen ka dhaxeeya, Soomaaliyana ay diyaar u tahay in ay wax walba oo awooddeedaha ah ay la qabtaan walaalahooda reer Yemen.

Dhanka kale Safiirka cusub ee dalka Yemen Fadil Cali Al-Hinkh, ayaa sheegay in madaxweynaha Soomaaliya uu si wanaagsan u soo dhoweeyey, isla markaana ay toos uga hadleen sidii wadadidda wax wada qabsiga ka dhaxeeya dalalka Yemen iyo Soomaaliya, dowladda Yemen-na ay Soomaaliya uga mahadcelineyso taageerada walaalnimo iyo sida dadka Reer Yemen loogu soo dhoweeeyey Soomaaliya markii ay dalkaasi dagaallada ka dhaceen.

Short URL: http://somaliwayn.org/?p=49767

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj