Logo_Dahabshiil_cusub New-Village Latest-Nationlink1 (1) TawakalExpress
| | 904 views

Daawo isku soo baxii ugu weynaa ee Muqdisho ka dhacay oo lagu soo dhoweynayo Musharax Farmaajo

Magaalada Muqdisho waxaa maanta ka dhacay isku soo bixi ugu ballaarnaa ee lagu soo dhoweynayay Maxamed C/llaahi Farmaajo Ra’iisal Wasaarihii hore ee Dowladdii KMG ahayd, kaddib markii kumanaan dadweyne ay ka qeyb qaateen soo dhoweyntiisa isla markaana socod dheer ku maray waddooyinka waaweyn.

Dadweynaha oo isugu jira kuwo danyar ah, ciidamada Dowladda, haween dhallinyaro iyo dad da’ ah ayaa sitay boorar uu ku sawiran yahay, iyagoona ka dalbaday xildhibaanada Baarlamaanka cusub inay doortaan musharaxa madaxweyne Maxamed C/llaahi Farmaajo.

Dhinaca kale dadweynaha ayaa buux dhaafiyay hoyga uu degan yahay Farmaajo oo aan ka fogeyn garoonka diyaaradaha caalamiga ah ee Aadan Cadde, isagoona halkaasi uga mahad celiyay dhammaanba dadweynihii ka qeyb qaatay soo dhoweyntiisa iyo taageerayaasha una sheegay inuu ka mid yahay musharaxiinta xilka Madaxweynaha u taagan.

Marka la eego hab maamuuska aan caadiga ahayn iyo taageerada dadweyne ee lagu soo dhoweeyay Ra’iisal Wasaarihii hore ee Soomaaliya ayaa ka duwan musharaxiinta isaga la midka ah oo intooda badan aanay shacabka Muqdisho ka warqabin dhaqdhaqaaqooda.

Short URL: http://somaliwayn.org/?p=49938

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj