Logo_Dahabshiil_cusub New-Village Latest-Nationlink1 (1) TawakalExpress
| | 569 views

Hoggaamiyaha guud ee Ahlu Suna oo si diiran loogu soo dhoweeyay Guriceel (Daawo)

Magaalada Guriceel oo ka tirsan degmada Galgaduud waxaa si diiran loogu soo dhoweeyay markii ugu horeysay hoggaamiyaha guud ee Ahlu Sunaha gobolada dhexe Soomaaliya, halkaasi oo ay ku soo dhoweeyeen madaxda maamulka gobolada dhexe, ururrada bulshada iyo saraakiisha ciidamada.

Guddoomiyaha guud ee Ahlu Sunna Macallim Maxamuud Sheekh Xasan Faarax ayaa salaan sharaf ka guddoomay ciidamada, waxaana hubnaha soo dhoweeyay ka mid ahaa Madaxweynaha maamulka Ahlu Sunna Sheekh Maxamed Shaakir Cali Xasan iyo mas’uuliyiin kale.

Ammaanka garoonka diyaaradaha magaalada Guriceel ayaa si weyn loo adkeeyay, kaddib markii ciidamada Ahlu Sunna oo wata gaadiidka kala duwan ee dagaalka, noocyada qoryaha ku rakiban yihiin iyo kuwa xamuulka ay gaaf wareegayeen halka lagu soo dhoweynayay Guddoomiye Macallim Maxamuud.

Khudbad kooban oo uu halkaasi ka jeediyay ayuu uga hadlay hoggaamiyaha Ahlu Sunna hadafkooda, isagoona sheegay inaysan iyagu jirin cid ay ku tiirsan yihiin balse ay Alle kaliya aaminsan yihiin, wuxuuna uga mahad celiyay maamulka gobolada dhexe sida ay ugu dhabar adeygeen ammaanka iyo nabadda gobolada dhexe ka jirta.

“Umadda Soomaaliyeed waa idiin siman tahay, anagu ma lihin qabiil gaar ah, ma lihin qaraabo, anaga walaalkeen waxaa ah mu’miniinta ah” ayuu yiri Guddoomiyaha guud ee Ahlu Sunna oo ku ammaanay maamulka Ahlu Sunna kala dambeynta uu ku soo dabaalay gobolada dalka.

“Dalka Soomaaliya god buu ku dhacay xaqiiqda markaan idiin sheego” ayuu yiri mar kale Guddoomiyaha Ahlu Sunna oo sheegay in madaxda Soomaaliya ay qirsan yihiin isla markaana talo saarteen culimada Ahlu Sunna oo garbaha ka taagan shacabkooda.

Short URL: http://somaliwayn.org/?p=50015

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj