Logo_Dahabshiil_cusub New-Village Latest-Nationlink1 (1) TawakalExpress
| | 737 views

Beelaha Waqooyi ee Somaliland xubnihii uga haray aqalka Hoose oo Muqdisho lagu soo gabagabeeyay (Warbixin xasaasi ah)

Xarunta Gaadiidka Booliska ee magaalada Muqdisho waxaa maanta lagu soo gabagabeeyay doorashada aqalka hoose xubnaha u matalaya beelaha Waqooyi ee Somaliland, kaddib markii ay ka soo baxeen ilaa afar Mudane oo ka guuleystay musharaxiintii ay la tartamayeen.

Saddexda xildhibaan ee beelaha Isaaq u matalaya aqalka hoose oo uu ka mid yahay Xuseen Carab Ciise horayna uga tirsanaa Baarlamaankii waqtigiisu dhammaaday ee Federaalka Soomaaliya kaasi oo helay 47-cod.

Biixi Iimaan Cige ayaa iyana heshay 47-cod, Maxamed Maxamuud uu isna helay 43-cod, waxaana sidoo kale C/risaaq daahir Maxamuud uu ku guuleystay 49-cod.

Doorashada oo ku dhacday qaab degan, ayaa guddiga heer federaal ee doorashooyinka waxay goobtaasi ka shaaciyeen sida ay ku dhacday doorashadii maanta, iyadoo xildhibaanada guuleystay ay ka mahad celiyeen guulihii ay ka gaareen tartankoodii.

Dhinaca kale doorashada aqalka sare beelaha Waqooyi ee Somaliland oo maanta la filayay inay bilaabato ayaa dib u dhac ku yimid, waxaana qoraal ka soo baxay guddiga doorashooyinka dadban ee heer federaal lagu sheegay inuu dib ka soo sheegayo xilliga la qabanayo.

Qoraalka guddiga ayaa lagu caddeeyay inuu isagu yahay kan go’aaminaya hubtinta hab-raaca hannaanka doorashooyinka guud ahaan dalka ka dhacaya, hase yeeshee qoraalkaan oo jawaab u ah go’aankii ay hoggaamiyeyaasha ay xildhibaanimo ugu aqoonsadeen 11-ka xubnood ee guddigu horay u laalay.

Short URL: http://somaliwayn.org/?p=50051

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj