Logo_Dahabshiil_cusub New-Village Latest-Nationlink1 (1) TawakalExpress
| | 1,255 views

Tartanka Gabdhaha K/Koleyga oo si rasmi ah uga furmay magaalada Garowe ‘Farriin loo diray wadaadada diidan) (Daawo)

Magaalada Garowe ee xarunta maamul goboleedka Puntland waxaa si rasmi ah uga furmay tartanka gabdhaha K/Koleyga markii ugu horeysay, iyadoo ay ka soo qeyb galeen kooxaha gabdhaha ee ka socda dowlad goboleedyada dalka.

Furitaanka tartanka waxaa ka qeyb galay madaxda Guddoomiyeyaasha degmooyinka gobolada dalka, Xildhibaan Soomaaliyeed oo ka tirsan Baarlamaanka Mareykanka Ilhaan Cumar iyo seygeeda , iyo waliba marti sharaf kale.

Sarkaal ka tirsan maamulka Puntland oo khudbad furitaan ah ka jeediyay tartankaasi ayaa farriin culus u diray hay’adda culimada Soomaaliyeed oo iyadu horay u sheegtay in tartankaan uu yahay lagu fasahaadinayo gabdhaha Muslimiinta ah.

“Waxaan maqlayay wadaad Xamar ka qeylinaya, waxaan u sheegayaa halkaan Puntland baa xukunta cidna marti ugama nihin, waana lagu qabanayaa tartanka gabdhaha K/Koleyga” ayuu yiri sarkaalkaan oo sheegay sarkaalkaas.

Dhinaca kale tartankaan oo ay maal gelisay hay’adda UNesco ayaa waxaa ka maqan kooxda gabdhaha K/Koleyga maamul goboleedka Koonfur Galbeed Soomaaliya oo la sheegay inay arrimo farsmo dartood ay taasi sababtay.

Kooxda gabdhaha Kubadda Koleyga Puntland ayaa ka guuleystay durba ciyaarihii ugu horeeyay oo ay isaga hor yimaadeen kooxaha ka qeyb gelaya, waxaana halkaasi khudbad ka jeedisay Ilhan Cumar oo sheegtay inay sharaf u tahay ka qeyb galkeeda ciyaaraha ka dhacaya magaalada Garowe.

Short URL: http://somaliwayn.org/?p=50098

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj