Logo_Dahabshiil_cusub New-Village Latest-Nationlink1 (1) TawakalExpress
| | 2,412 views

Dalka Kuweyd oo lagu xukumay haweeney Filipiin u dhalatay oo dhaxda nin Soomaali ah (Faahfaahdin)

Maxkamad ku taala dalka Kuweyd ayaa xukun ku riday haweeney lagu magacaabo Livani Azvilo Pescaeda oo u dhalatay dalka Filipiin, sida uu qoray Wargeyska Al-ra’yi ee dalkaasi ka soo baxa.

Haweeneydaan oo muddo laba bil kahor ka tagtay dalka Sacuudiga ayaa u sheegtay baarayaal ka tirsan Dowladda Kuweyd inay u dhaxdo nin Soomaali ah oo haatan ku sugan dalka Liibiya, kaasi oo aan magaciisa la shaacin.

Charles Jose oo ah afhayeenka wasaaradda arrimaha dibadda Dowladda Filipiin ayaa sheegay in maxkamadda dalka Kuweyd ay haweeneyda ku xukuntay xabsi dhan muddo toban sano ah, kaddib markii ay qiratay inay ka tirsan tahay kooxda Daacish.

Warbaahinta Kuweyd ayaa waxay kaloo sheegtay in baarayaal ka tirsan Dowladda ay haweeneyda ka soo xigteen inay damacsaneyd weeraro ay dalkaasi ka maleegeysay.

Dowladda dalka Filipiin ayaa sheegtay in safaaradda ay ku leedahay Kuweyd ay ka bilowday dadaallo ay ku dooneyso in haweeneydaasi aan lagu sameynin wax xadgudub ah.

Haweeneyda u dhalatay dalka Filipiin ayaa waxay kaloo sheegtay in ninkeeda Soomaaliga ah uu ka tirsan yahay kooxda Daacish ee ka dagaalanta dalka Liibiya kaasi oo ku amray xaaskiisa inay tagto dalka Kuweyd.

Short URL: http://somaliwayn.org/?p=50325

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj