Logo_Dahabshiil_cusub New-Village Latest-Nationlink1 (1) TawakalExpress
| | 609 views

Faarax Macallim: “Soomaaliya doorasho kama dhicin, mana la sugayo inay ka dhacdo mid xalaal ah” + Video

Xildhibaan Faarax Macallin oo ka tirsan Baarlamaanka dalka Kenya ayaa ka hadlay xaaladda dalka Soomaaliya, gaar ahaan doorashooyinka ka dhacay oo uu si faahfaahsan uga hadlay hannaanka loo maray dhismaha Xukuumad cusub oo badaleysa Dowladda Federaalka xilligeedu dhammaaday.

Waxa uu sheegay in Soomaalida aanay mar kastaba eegin danaha dalka iyo dadka, isla markaana aanay ka faa’iideysaneynin dhibaatadii gaartay mudada ka badan 25-ka sano oo ay ku jirtay dagaallo sokeeye, burbur iyo dhibaatadii laga dhaxlay burburka ku yimid dowladdii dhexe.

“Soomaaliya doorasho kama dhicin, mana laga sugayo inay ka dhacdo mid xalaal ah” ayuu yiri Faarax Macallim oo sheegay in lixda maamul goboleed ee federaaliga ah mid kastaba xuduud la leeyahay dowladda Itoobiya oo ay yihiin maamullo hoos taga.

Faarax Macallin ayaa sheegay in Madaxweyne kasta oo Soomaaliya yeelato ijaaso ka soo qaadanayo Xukuumadda Addis Ababa, taasi oo noqotay mid ay caadeysteen madaxweyneyaashii soo maray dalka Soomaaliya wixii ka dambeeyay dowladii kacaanka 21-ka Oktoobar.

Dhinaca kale waxa uu sheegay in Xildhibaanada ka tirsan Baarlamaanka cusub lagu soo doortay si aan sharci ahayn, isagoona tusaale u soo qaatay xubno ku soo baxay ergooyin been abuur ah oo ay sameysteen, hase yeeshee doorashadii ugu fiicneyd ee Afrika ka dhacday ayuu Xildhibaan Faarax ku tilmaamay midii dhex martay AUN C/rashiid Cali Sharmaarke iyo Madaxweynihii ugu horeeyay Soomaaliya Aadan Cabdulle Cusmaan.

Short URL: http://somaliwayn.org/?p=50416

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj