Logo_Dahabshiil_cusub New-Village Latest-Nationlink1 (1) TawakalExpress
| | 393 views

Maxamed Sheekh Cusmaan Jawaari oo markii labaad ku guuleystay guddoonka Baarlamaanka

Xarunta Golaha Baarlamaanka Soomaaliya waxaa goor dhow lagu soo gabagabeeyay doorashada guddoonka Golaha Baarlamaanka tobanaad ee xukuumadda Federaalka Soomaaliya.

Doorashada oo gashay laba wareeg ayaa waxaa ku tartamayay Maxamed Sheekh Cusmaan Jawaari oo helay 141 cod, C/rashiid Maxamed Xidig oo helay 92-cod, C/Fataax Maxamed Ibraahim Geesey oo helay 17-cod iyo Idiris Aadan Dhakhtar oo helay 2-cod.

Markii la gaaray wareegga labaad ayaa guddoomiyaha KMG ah Cismaan Cilmi Boqore waxa uu ku dhawaaqay in maanta wixii ka dambeeya Md. Jawaari uu yahay Guddoomiyaha rasmiga ah ee Golaha Shacabka.

Musharaxiintii la tartameysay ayaa iyagu halkaasi ka jeediyay khudbaado kala duwan oo ay ugu hambalyeynayaan Guddoomiyaha cusub, iyagoona ku booriyay Md. Jawaari inuu la yimaado waxqabad muuqda iyo isbedel lagu sameeyo xarunta Golaha shacabka oo ay sheegeen inay ka muuqato dayacnaan aad u weyn.

Short URL: http://somaliwayn.org/?p=51226

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj