Logo_Dahabshiil_cusub New-Village Latest-Nationlink1 (1) TawakalExpress
| | 976 views

Turkiga oo Xarun Casri ah oo lagu tababarayo Ciidanka Xooga dalka ka dhistay Jaziira + Sawirro

Dowlada Turkiga ayaa deegaanka Jaziira ee duleedka magaalada Muqdisho ka wada dhismaha xarun casri ah oo loogu tala galay in lagu tababaro ciidanka Xooga Soomalaiyeed, dhismaha xaruntan ayaana hada maraya heer gabo gabo ah.

Wasiirka Gaashaandhigga Soomaaliya Mudane C/qaadir Sheekh Cali Diini ayaa kormeer ku tagey xaruntan ay u dhistay Dawladda Turkigu Ciidanka Xoogga dalka Soomaaliyeed , Waxana ay xaruntani soo saari doontaa Saraakiil loo tababarey qaabka casri ah.

Dhismaha Xaruntani oo hadda maraya heer gabo-gabo ah ayaa waxaa lagu wadaa in uu soo dhamaado waqti dhow, si loogu bilaabo howshii loo diyaariyey, waxana Wasiirka iyo Saraakiil ka tirsan Ciidanka Turkigu ay kormeer ku sameeyeen guud ahaan qeybaha kala duwan ee ka kooban yahay dhismaha xaruntani.

Mudane Diini ayaa uga mahadceliyey Turkiga taageerada xoogan ee mar walba ay la garab taagan yihiin dawladda iyo Shacabka Soomaaliyeed, isagoo xusay dhismaha Xaruntani ay door weyn ka ciyaari doonto horumarinta iyo kor u qaadidda tayada Ciidanka, gaar ahaan Saraakiisha oo ilaa iyo Dawlad burburkii aan helin goob kamid ah dalka ay ku tababartaan.

Short URL: http://somaliwayn.org/?p=55891

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj