Logo_Dahabshiil_cusub New-Village Latest-Nationlink1 (1) TawakalExpress
| | 224 views

Dagaal dhax maray Ciidamada Koonfur Galbeed iyo Al Shabaab iyo guryo la gubay

Wararka ka imaanaya magaalada Baydhabo ee xarunta KMG ee maamulka Koonfur Galbeed Soomaaliya ayaa sheegaya in dagaal u dhaxeeyay Ciidamada Koonfur Galbeed iyo dagaalyahano katirsan Al Shabaab uu ka dhacay deegaan kuyaala inta u dhaxeysa Baydhabo iyo Qansax Dheere.

Dagaalka ayaa yimid kadib markii ciidamo katirsan Maamulka Koonfur Galbeed Soomaaliya iyo kuwa dowlada Federaalka ay horkacayaan Wasiiro iyo saraakiil weerar ku qaadeen goobo ay ku tuhmayeen in ay joogaan dagaalyahano katirsan Al Shabaab.

Taliyaha Ciidanka Booliska Maamulka Koofur Galbeed Cabdulle Isaaq ayaa sheegay in dagaalka ka dhacay inta u dhaxeysa Baydhabo iyo Qansaxdheere ku dileen 7-dagaalyahan oo katirsan Al Shabaab tiro kalana nolosha ku qabteen.

Ciidamada Koonfur Galbeed Soomaaliya iyo kuwa Dowlada ayaa la sheegay intii howlgalka uu socday in ay gubeen guryo la sheegay in ay degnaayeen xubno katirsan Al Shabaab oo kuyaalay deegaanka uu ka dhacay dagaalka.

Al Shabaab ayaa wali ku xoogan deegaanada uu ka taliyo maamulka Koonfur Galbeed Soomaaliya, Maamulka Koonfur Galbeed iyo kuwa dowlada ayaana marar badan ku guul dareestay in Al Shabaab kala wareegaan deegaano wali gacantooda ku jira.

Short URL: http://somaliwayn.org/?p=56332

Comments are closed

Dalbo wararkeena

Si aad u hesho wararkeena halkaan hoose geli Emailkaaga.

Keydka Wararka

taaj